E luna aki Cuba ta spera di por cuminsa haci testnan clinico pa su di dos proyecto di vacuna contra COVID-19. E cientificonan di e isla a informa esey y a sigura cu e testnan di e prome candidatonan (Soberana 01) tin efectonan minimo.
E medicamento nobo, yama Soberana 02, actualmente ta test e riba bestia. Vicente Vérez, lider di proyecto, a splica e presidente Cubano, Miguel Díaz-Canel,door di e “avancenan” aki por haci un solicitud e luna aki pa cuminsa realisa estudio riba sernan humano.
Durante bishita di e mandatario diabierna na e Instituo Finlay de Vacunas na Havana – unda ta desaroya dos proyecto – a tuma luga un dialogo. Segun Vérez, e team di cientifico ta aspira pa avansa di un maenra decisivo den estudio referente e contesta inmuun prome cu e aña aki, cu proposito di cuminsa vacuna e poblacion Cubano durante e prome trimester di 2021.
E siguridad di botica ta insisti di ta basa riba plataformanan tecnologico di vacuna existente y a test miyones di dosis. Na diferencia di otro proyectonan internacional di vacuna mas avansa, crea desde vector adenovirales of virus inactivo, Soberana 01 di Cuba ta basa riba un proteina recombinante, aunke oficialmente no a saca mas dato riba su composicion.
E di dos fase di estudionan di e prome posibel vacuna mester cuminsa final di october. Cuba, cu ta acumula 5780 caso positivo desde comienso di e epidemia y 122 fayecido, ta conta cu un industria di biotecnologia reconoci y farmaceutico cu actualmetne ta produci ocho vacuna contra enfermedadnan manera meningitis, cancer di pulmon y tumornan solido entre otro.
