Apenas dia ta habri riba e di dos dia di aña ora cu a sosode un accidente frontal rib’e camind’i Savaneta. Algun meter pabou di Do It Center dos auto a dal frontal contra otro. Un ta marca Kia modelo Cerato y e otro ta un Honda tipo RHD.
Un total di cuater persona a resulta herida. E impacto tabata asina fuerte cu hasta airbag di e autonan a sali despues di e accidente. Na sitio a atende cu por lo menos cuater persona cu a resulta herida.
Un total di cuater ambulance tabata necesario pa brinda atencion medico y transporta e victimanan pa hospital. Polis a cera ambos band’i caminda p’asina atende libremente cu e accidente aki. Polis di trafico ta encarga p’asina investiga con e accidente aki a sosode exactamente.
