Diahuebs merdia a tuma luga un reunion entre Comerciante Uni y Aduana, tocante tur mal comprendemento cu por tin relaciona cu BBO na frontera.
Frans Ponson, Presidente di CUA, a cuminsa na bisa cu e reunion a bay hopi bon. Ta bon pa bisa cu hopi broker na Aruba ta haci fout tambe. Tin e issue di douanewaarde pero tambe hopi broker tin e problema cu tin mas articulo den e container cu no ta dje so.
E broker no ta bay gamble e descuento y ta cobra e prijs mas caro, pa evita un discusion cu Aduana. Tur e problemanan aki a bin dilanti, mescos cu Aduana, e brokernan tambe tin algun problema. Pero despues di e reunion, Ponson ta sinti cu tur e partidonan ta riba e mesun liña.
Loke ta bay pasa awo, c’un carta ta bay sali cu ta aclaria e mal comprendemento cu ainda tabata pendiente. Y ta spera cu despues di tur e añanan, por logra aclaria, no solamente p’e pueblo, pero tambe p’e comerciante.
Tin algun punto cu ta solamente p’e pueblo, pero otro p’e comerciante so y algun tambe ta conta pa tur hende. Esey lo aclaria miho e biaha aki y tambe, e brokernan no mester tin miedo di aplica e descuento pensando cu Aduana lo no bay acept’e, siendo cu si nan ta acept’e.
Pa mas lesa TREMPAN.
