Den e ultimo dianan tin un discusion tocante BBO na frontera, cual ta un topico basta cayente y alarmante, specialmente e fecha di introduccion cu ta cerca.
Francis Saladin, Vice-presidente di Comerciantenan Uni Aruba a indica cu tempo cu a introducie e no tabata un problema ya cu ora cu introduci un sales tax, e tabata na 3%. E impacto di dje no tabata asina grave, pa cual su consecuencia tabata mucho menos.
Pero na dado momento a subie na 6% y ta aki e problemanan a cuminsa, segun Saladin. A cuminsa cumpra directamente afo, ya cu ta paga invoerrechten pero no BBO. Sinembargo, un articulo cumpra aki na Aruba e consumidor tin cu paga e BBO. Cumpramento afo tin un desbentaha enorme pa cu e comerciante local, cu si mester cumpli cu tur su compromisonan financiero.E otro problema di BBO ta cu e ta facil pa evadi, unda ta haya e hendenan cu ta ta bende mercancia no ta paga BBO. Esaki ta pone hopi presion riba Gobierno.
