E trahadonan di Stellaris Casino ta trahando fuertemente p’asina por keda cla pa diaranson, dia 21 di december, caminda cu ta bay tin e entregamento di e basketnan, etc. pa tur tier players. Pero pa tur e hungadonan cu fo’i 19 di december te cu dia 28 di december, acumulando 25 punto hungando, nan ta bay ricibi nan ticket p’asina nan por participa pa e gran dia cu ta bay ta dia 28 di december, caminda cu lo tin tres ganado, segun anfitrion di Aruba Marriott Resort & Stellaris Casino, Ofo Escudero.
E ta sigui splica cu cada ora lo bay tin e basket di palet. E palet basket caminda cu e hungadonan lo bay gana tur cos cu nan ta bay tin mester p’asina nan por pasa e temporada di fiesta, p’e famia, pa tur esunnan cu ta bin di bishita na cas. No ta bay falta nada, p’asina tur hende tin tur loke nan tin mester, tur loke nos custuma di cumpra.
E biaha aki e no ta bay ta un basket normal, sino un palet, di 1 meter 20 di haltura. Ta un cantidad di articulo cu por haya riba e palet aki.
Dia 28 di december, cada ora lo bay tin un ganado di basket. Por ehempel 8:00 pm lo bay tin un ganado di basket. 9:00 pm lo bay tin un ganado di e palet basket y 10:00 pm lo bay tin e di tres y ultimo ganado di e palet basket.
Pero tambe 8:00 pm lo bay tin cinco persona cu lo bay den ‘deal the cash’. Diadomingo siman pasa un total di $15 mil dollar a keda reparti entre e hungadonan. E ta algo cu tur e hungadonan ta gusta, segun Escudero. A bisa nan cu esaki lo bay t’e ultimo, cual lo ta dia 28 di december. For di dia 19 di december, te cu dia 28 di december, acumula e 25 puntonan hungando, ta haya un ticket y aki por participa pa ta un di e ganadonan di e palet basket y tambe un di e ganadonan cu por tin e suerte pa bay den ‘deal the cash’.
Recordando tur e tier playernan cu dia 21 di december, for di 5:00 pa 8:00 pm, cu tin cu bin busca nan basket. E biaha aki e ta algo diferente. Stellaris Casino ta contento cu a team up cu Arubiano. Arubiano tin e saconan cu ta conscientisa nos pa nos cuida nos medio ambiente y nos naturalesa. Bin, pasobra lo bay tin pa tur e tier players p’e acostumbrado regalo aki cu Stellaris Casino tin pa tur.
No lubida, e ta dia 21 di december, entre 5:00 y 8:00 pm, pasa n’e Ballroom di Aruba Marriott Resort & Stellaris Casino, p’asina bo haya bo merecido pakete di Pasco.
ARUBIANO
Eva Wever ta representante di Arubiano a comenta cu nan a asocia cu Aruba Marriot Resort & Stellaris Casino. El a probecha pa gradici n’e oportunidad, pasobra cu a acerca nan pa prome biaha, pa uni n’e causa di conscientisacion pa naturalesa y cuido di nos fauna.
Tin cuater diferente saco. Wever a conta cu tur aña nan ta saca cuater diferente saco, caminda cu cada banda ta ilustra un potret autentico di Aruba su naturalesa, sea parha, sea Parke Nacional, e biaha aki por a mira un mata di Kibrahacha saca.
Tambe riba un di e saconan por mira un saco cu e bandera di Aruba, ta ilustra tambe lama y boto piscado cu ta parti di Aruba.
Tin e trupial ilustra riba un otro modelo. Fuera di esey por a mira e cododo blauw saca riba un di e saconan. Tambe ta forma parti di Aruba su naturalesa.
Un otro saco ta ilustra e shoco, cual ta un parha primordial, mirando cu Aruba tin su mesun shoco endemico. Esey ta nifica cu ta na Aruba so e tin cierto caracteristicanan y cu tin e protegi. Esey semper Arubiano ta ilustra riba su saconan, Wever a comenta por ultimo.
