Voluntarionan di Cruz Cora lo sali awe nochi pa Corsou, caminda cu for di eynan, hunto cu demas voluntarionan di Cruz Cora Corsou y Marina lo sali rumbo pa St. Maarten pa asina yuda den e preparativonan pa e yegada di horcan Irma. Director di Cruz Cora Aruba, Michel La Haye a splica cu mas voluntario lo bay den un di dos grupo, manera cu e pasada di Irma tuma luga. Akinan lo bay evalua e daño di e pasada pa asina, hunto cu Cruz Cora St. Maarten, asisti e habitantenan cu prome auxilio. Nos lo keda pendiente pa mas detaye riba e pasada di Irma y tambe riba e trabaonan cu nos heroenan di Cruz Cora lo desplega na Sint Maarten.
