Diahuebs boluntarionan di Cruz Cora a tene un reunion na Noord, como parti di nan plan pa drenta e barionan y mira cual ta e necesidadnan bou di e poblacion.
E grupo ta bishita tur e barionan di Aruba, combersando cu esnan di Centronan di Bario y parokianonan. Esaki ta loke cu Sharine Geerman di Cruz Cora a splica.
Ta uza e sistema aki pa motibo cu e centronan di bario y e parokianan ta esnan cu mas conoce e habitantenan di nan bario. Bayendo den e barionan kier busca kende ta e personanan cu ta den un necesidad grandi, famianan pasando den hopi dificultad. Cruz Cora kier haya un lista y despues un grupo di Cruz Cora lo haci un evaluacion na e cas pa mira kendenan ta bini na remarca na prome luga pa ayudo.
Tur persona na Aruba por yuda Cruz Cora cu cualkier articulo cu nan kier duna y por hiba esaki na Cruz Cora su sede na Dakota.
