Tres aña pasa Jesus Cruz a dicidi cu e ta bay bin cu su compania di piesa pa diferente modelo di auto. Cruz Automotive ta brinda servicio di calidad.
Jesus Cruz, propietario, a splica cu momento Covid a bati na porta, el a cuminsa cu Cruz Automotive, kende a cuminsa cu esaki cu su diesnuebe aña. El a cuminsa door di cumpra palet di azeta y como cu su tata ta doño di Marco Garage, tin cliente pa service, Cruz a opta pa bin cu su mesun productonan y brinda nan n’e clientenan.
El a cuminsa cu azeta, oil filter, brake pads, sparplug, etc. Cruz a cuminsa tiki tiki y despues di hopi reto, awo e por a lanta su mesun negoshi di Cruz Automotive, aunke ta den compania di su tata.
E miho servicio cu nan ta bay ofrece ta di calidad. “Mi ta bin cu bon prijs pa hende, pero e calidad ta hopi bon”, segun Cruz. “Tur cos lo ta excelente. E lo tin un bon prijs cu e mercado lo draai hopi bon.” Cruz Automotive ta haya piesa original y after market na un bon prijs, miho cu agencia. Nan ta traha cu agencia, ta haci pedido pa agencia.
Marco Garage cu Cruz Automotive ta situa na Avenida Milo J Croes 59-A. E ta keda dilanti di Proffesional Pest Control. Si ta bin fo’i direccion di Price Smart bay abou, esaki ta keda na man drechi di caminda, pero si ta bin stadion bay direccion Price Smart e luga ta keda na man robes di caminda.
Nan ta habri di dialuna pa diabierna desde 8:00 am – 6:00 pm, mientras diasabra nan ta habri di 8:30 am – 4:30 pm. Pa tuma contacto por yama na 5693180.
