Hues a adelanta e decision den e caso di e compania Dontom Horecta NV, representa pa Doris Canwood, contra Navarra Properties N.V., representa pa Rick Samuels. Ta trata di e caso unda cu e negoshi Reflexions mester a cera su porta pa motibo cu a kita conexion di coriente, cu ta riba propiedad di Navarra (ex-Havana).
Tin un disputa andando pa hopi aña caba entre e dos empresanan aki, cu diferente caso den Corte, relaciona cu e parti riba cual Reflexions ta situa. Diferente caso tin den corte, pero e caso sumario ultimo aki tabata necesario ora cu Reflexions mester a cera su operacion ora cu el a keda sin awa y coriente. Tur esaki pa motibo cu e conexion ta poni riba tereno di Navarra. Dontom mes no por pidi pa un instalacion pa motibo di e disputa legal si e tin derecho riba e tereno of no.
Awe Hues a anuncia su decision adelanta y a bisa cu Navarra mester permiti e conexion di coriente riba cualkier di e pida terenonan erfpacht y pais Aruba mester permiti ELMAR instala e conexion. Tambe el a otorga un adelanto riba e compensacion final di casi 16 mil florin.
Pa un relato mas amplio, lesa e siguiente edicion di TREMPAN.