E Barku Marina Hulandes Zr.Ms. Holland, pa di tres biaha den korto tempu, a detektá un transporte di droga. Riba Laman Karibe e barku di patruya a sa di laga un asina yamá ‘go-fast’ stòp, e barku tabatin dos pasahero a bordo. Riba e boto e barku Patruyero a interseptá 235 kilo di kokaina. E kaptura ya a sosedé dia 17 di novèmber, pero a keda publiká awe.
E Helikòpter di bordo NH90 a deskubrí e boto rápido di droga un ‘go-fast’ , durante un momentu di patruyahe. Despues di esaki Zr.Ms. Holland a kuminsá un persiguishon ku yudansa di su dos navenan rápido di intersepshon (FRISC), kual tabatin a bordo un ekipo kombiná di US Coast Guard/Wardakosta Merikano i Kuerpo di Marina. Na e mes momentu e NH90 a brinda sosten for di ariba na e operashon di embarke.
Ámbos pasahero prosedente di Repúblika Dominikana a keda arestá. E sospechosonan, ademas e kontrabanda. mas despues a keda entregá na un barku di Wardakosta Merikano, pa persiguishon na Estado Unídos.
Tareanan di Wardakosta i kontrarestá di droga
Zr.Ms. Holland desde mei ta aktivo den e region. E barku entre otro ta keda desplegá pa kontra arestá operashonnan di droga. Ademas durante yudansa di emergensia humanitario. Banda di esei tambe e ta keda desplegá pa diferente tarea di Wardakosta den Region Karibe, tal manera intersepshon di peska ilegal, delitonan kontra medioambiente, i e despliegue durante búskeda i reskate. Mantenshon di órden legal internashonal ta un di e debernan konstitushonal di Defensa.
Pero na óktober tambe, e barku ya a logra interseptá dos transporte di droga.