Parlamentario mr Giselle Mc William kièr sa ku si ta e kantidat di personanan ku ta bin tèst diariamente a baha òf ta un maneho nobo di Gobièrnu pa tèst ménos hende pa COVID ? Mc William a tuma nota último dianan aki ku e sifranan di kantidat di personanan ku ta keda di tèst ta bahando substansialmente. Mirando e desaroyonan pa loke ta trata e tipo di pashèntnan ku ta yega CMC den un estado di e malesa hopi avansá i no por konkluí ku e kantidat di posibel kasonan a baha asina substansialmente den e último dianan aki.
Ayera no mas ku 6 morto a kai unda mayoria ta personanan bou di 55 aña. Mas alue Mc William ta indiká ku el a komprendé ku tin hende ta bini CMC i ku ta ser interná pa sierto sintomanan fuerte di kual ta resultá ku e tin e vírùs di COVID19 pero ku anteriormente no a bai tèst na momento ku el a kuminsá sinti síntoma.
Miéntras tambe por komprendé ku e tipo di pashèntnan ku ta yega CMC pa motibu di COVID19 ta un estado di e malesa hopi avansá. Esaki por ta pa diferente motibu manera dor di no ta tèst òf ku nan no ta keda atendé pa nan dòkternan di kas. E último dianan aki manera ya Parlamentario Mc William mi a trese dilanti den un karta dirigí anteriormente na Minister di Salubridat, ku tin demasiado keho di pashèntnan/klientenan ku tin dòkter di kasnan ku no ta aksesibel pa atendé nan ku tur konsekuensia ku esaki por trese ku ne pa ku salú di e pashènt.
Tambe Parlamentario Mc William ke para na e echo ku no tin klaridat pa hiba un diskushon sano basa riba “facts” pa ku kasonan di no residentenan ku ta infektá ku COVID19 ku ya kaba den algun luna pasa mi a pidi agregá esaki na e lista pa duna mas transparensia manera Aruba ta hasiendo. E Informashon aki ta sumamente importante pa por sigui katalisá nos ekonomia ku turismo durante e krísis aki i evitá diskushon entre nos di e fuente di kontagio nan di COVID19 i tambe ria nos airopuerto.
Den kuadro di esaki mi Parlamentario Mc William a hasi siguiente preguntanan na Minister enkargá ku Salubridat:
1.Gobièrnu a adaptá su maneho pa tèst òf ta e kantidat di personanan ku ta bin tèst diariamente a baha?
2.Kiko ta hasiendo ku e kehonan ku tin kontra di algun dòkter di kas ku no aksesibel pa nan klientenan/pashèntnan den kasonan di emergensia?
3. Gobièrnu a òf ta ai hasi un evaluashon di kon dòkternan di kas ta manehá e situashon di COVID19 pa ku nan pashèntnan?
3.Gobièrnu ta di opinion ku a yega e momento pa kuminsá publiká lista kuantu di e personanan ku a positivo pa COVID19 ta residente i no-residente?
