Pa 3’or di awe tardi Gobierno di Boneiro a anuncia cu nan tin e prome caso di coronavirus, cu e pashent a hay’e for di un persona di Aruba.
Gezagebber Edison Rijn a bisa cu Boneiro a drenta den un fase nobo, cu e prome persona cu a test positivo. E virus ta na Boneiro. A test e persona varios biaha unda cu e resultadonan no tabata ni negativo ni positivo, inconcluso. A cuminsa haci un investigacion di e fuente unda e virus. E persona di contacto tabata di Aruba, ya cu nan tabatin contacto.
E Boneriano a keda den cas y a test. E tabatin practicamente niun contacto cu hendenan rond di dje. Asina mes a investiga esnan mas cerca pa mira si nan tin sintoma. E pashent ta recuperando. “Nos tin tur e speransa cu e virus lo sigui draai na Boneiro.”
Nan ta considera esaki un caso importa. Expertonan di Salubridad Publico sa di unda e fuente di infeccion tabata.
Mirando cu sa di unda e virus a bini, nan no ta haya necesario pa un lockdown. El a pidi pa sigui e reglanan stipula y keda trankil. “No core cumpra cos pasobra nos no ta den lockdown. Boneir ton hopi resistencia y nos a pasa den hopi cos hunto. Pone schouder hunto y nos ta evita plamamento di e virus riba e isla. Hunto nos lo ta contra corona.”
Gezaghebber Edison Rijna hunto cu dokter Marian Luinstra-Passchi hunto a haci e anuncio.
Recientemente Boneiro a introduci e sistema di test di drive-thru.
Segun informacion ricibi, for di 14 di maart pa awo, a haci 38 test y tin 23 persona den cuarentena.
Corsou tin 257 persona getest den e mesun periodo y tin 14 persona positivo, y Aruba tin 1142 persona getest den e mesun periodo di cual 95 ta positivo, 2 fayecido, 39 a recupera, 90 den cuarentena. Pues tin 54 caso activo.
