En conexion cu World Ocean Day, cu tabata dia 8 di juni ultimo, e ekipo di Corona Aruba kier invita comunidad di Aruba pa uni na e movemento di beach clean-up den colaboracion cu ScubbleBubbles.
Como parti di e campaña “No plastic in Paradise” Corona Aruba ta extende su invitacion na Aruba henter pa pasa Ling & Sons diasabra awo, dia 11 di juni 2022, di 2:00 pm te cu 6:00 pm, trece tres item di plastic y ricibi un Coronita bon friu a cambio y inscribi pa e evento di beach clean-up. Si mayan, bo no ta desea di disfruta di bo Coronita bon frieu, nos lo regala un coupon ( 1 free Coronita) cu por wordo entrega na Surfside Beach Bar te cu 30 di Juni 2022. Rond mundo cerbes Corona ta activando pa e siman di World Ocean Day y Corona Aruba tambe ta forma parti di esaki.
Pa mas informacion bishita nos facebook page: Aruba Trading Company Beers.
ScubbleBubbles
ScubbleBubbles ta un fundacion incorpora na Aruba cu ta enfoca pa haya mas hoben local participa den actividad di conservacion di nos ocean. A inicia na 2016 como un forma di haya hoben cu ta bucea, pero pronto a keda claro cumester a haci algo pa proteha y restaura e rifnan bunita di Aruba.
Algun di nan proyectonan ta inclui e prome criadero oficial di restauracion di coral na Aruba, tecnica di estudio nobo y innovado di e rifnan hunto cu biologo marino y limpiesa regular di e rifnan den algun dje sitionan di buceo y marina.
Tambe nan ta colabora cu e luganan di buceo local pa sigui forma e buceadonan. Pa mas informacion tocante ScubbleBubbles bishita nan website na: https://scubblebubbles.org/
