Tabata algo prome cu 11’or di anochi ariba e ultimo dia di siman, na momento cu varios habitante di e bario di Simeon Antonio/ Parkietenbos a bati alarma pa un homber cu ta tira nan cas cu baranca. Algun a reconose cu ta e conocido “Le”.
Polis a cuminsa cu un buskeda den e area, caminda na final a logra topa cu ne. Detencion no a bay estilo “uno dos tres”, polis mester a baha auto, core na pia tras di “Le” un bon pida. A logra deten’e y cu dogcatcher di Polis a hiba e conocido di husticia pa Warda di Polis.
