Home Local Conocido comerciante Nochi de Cuba a bay sosega
Despues di a lucha 30 aña largo cu diabetismo y ultimo 2 aña cu retonan di curason, diasabra marduga Norman Alvin de Cuba, miho conoci como “Nochi” a bay sosega na 72 aña di edad. E ultimo añanan tabata di hopi reto, debi cu el a kibra su heup y no por a mobilisa facil mas.
Nochi de Cuba tabata semper conoci den deporte, specialmente den Bowling unda el a demostra masha talento. Ta corda con el a yega di tira un wega di “300” na Corsou, pa cual el a haya masha apoyo.
Den negoshi Nochi tabatin Nadec Zand en Granietbedrijf. Na aña 2000 el a cambia di rumbo y a habri Botica Dakota, den cual el a desaroya den un centro pa remedi y varios otro productonan mas pa henter e pueblo di Dakota.
Nochi ta casa cu Joyce de Cuba-Hollander y ta laga atras su yiunan Ariadne, Diantha y Norman. Ainda no tin un fecha fiha pa su entiero. Hopi forsa na famia den e momentonan dificil aki. Cu Nochi sosega na paz.
1
