Dia 22 di Juni lo tene ‘OGM Research Conference’ ‘The impact of COVID-19: pathways to recovery’ pa organisacion di Aruba sea di sector priva of sector publico. E meta di e evento aki ta pa sostene organisacion na Aruba den e proceso di recuperacion di COVID-19.
Tur organisacion a pasa den reto door di e pandemia y como programa lo organisa e evento aki pa door di investigacion yuda organisacion yega na idea y solucion pa nan retonan. E evento aki ta specialmente pa organisacion y studiante actual di e programa OGM. E dos profesornan di e programa, esta Profesor dr. M. Noordegraaf y Profesor dr. W. Bakker, tambe lo haci nan contribucion na e evento aki como expert den ‘governance’, ‘community cohesion’, y ‘public services’ cual ta e tres temanan di e evento.
Mieke de Droog Decano di Facultad di Arte y Ciencia, a bisa cu di e forma aki por explora kico ta e retonan di cada organisacion y cual contribucion por haci na e organisacion. Tambe na e programa door di colabora entre e studiante- y organisacionnan door di haci investigacion cientifico pa e organisacion, pasantia, tesis of proyecto. Por haya informacion riba e Facebook page di OGM: University of Aruba: Organization, Governance and Management. Tambe por haya e link pa y QR code pa registracion riba nan pagina di Facebook. Por sigui nos tambe riba Instagram @ogm_ua.
