Comision organisador di Concierto Dominical Donny Laclé, ta invita tur amantenan di e concierto aki y pueblo di Aruba en general pa e proximo concierto cu lo tuma luga diadomindo prome 1 di oktober benidero.
Manera ya ta e custumber, esaki lo tuma luga na Biblioteca Nacional na Playa. E line up pa e diadomingo aki ta lo siguiente. Pa 11or di mainta Vivian Lampe, riba piano, compaña pa Denzil Tromp, riba conga, lo laga nos disfruta di diferente piesa di Padu, di cual algun menos conoci. Como di dos presentacion lo actua pa di prome biaha e duo Max y Julia. Max Hassel sigur ta conoci pa nos tur como cantante y tocado di guitara. Julia Wever no ta conoci cerca nos ainda, pero despues di nan presentacon nos lo keda cord’e pa su bunita stem. Nan lo toca un variacion di musica crioyo y algun bolero. Pa cera e concierto lo tin actuacion di: Nuevo Sonido Musical, cu ta consisti di 6 musico kendenan lo toca un variedad di cantica bailabel, tambe crioyo.
Asina ta prepara pa los e pianan. Pues un biaha mas comision organisador ta extende un cordial invitacion na tur hende pa bin goza di un tremendo concierto den e ambiente unico cu lo bay tin na biblioteca. Concierto Dominical Donny Laclé ta cuminsa pa 11or di mainta y lo termina
pa 1or di merdia.
