Despues di un reunion cu a tuma luga entre e misanan protestant, catolico, hudiu hunto cu representante di Eerste Kamer, a combersa cu Hamza Christiaans. Christiaans ta Secretario di Aruba Islamic Foundation cu a conta tocante e participacion di a conta riba e participacion di comunidad islamico na e reunion.
A discuti riba tres punto cu ta e prome: Construi comunidad, bringa contra pobresa. Pero tambe atende e topico sensitivo di discusion relaciona cu matrimonio di mesun sexo. Cristaans a elabora cu vision di tradicion Islamico y e Coran ta: “Pa yuda esunnan den necesidad manera Dios y Coran ta manda, di mes manera tambe yuda combati pobresa spiritual”.
A sigui indica cu comunidad ta hopi importante, si tur ta focus riba e fundacion cu ta un solo Dios, tur uni por bin hunto, semper humanidad ta conoce diferencia di opinion pero por traha hunto a base di respet, amor, generosidad.
Riba e pregunta encuanto matrimonio di mesun sexo, e secretario a elabora e punto di bista di Iglesia Musulman ta: e Coran y Dios ta bisa cu a crea un homber y muhe den persona di Adam y Eva nan ta e fundacion di un famia y comunidad.
Sociedad islamico no ta discrimina ningun hende of afiliacion, pero no por bay acepta casamento di mesun sexo den un moskee. Cristiaans a sigui elabora: “Casamento no ta traha door di hende, e ta un comando di Dios y ta sagrado, door cu ta sagrado si yega na e punto y acepta esaki, e ta bira un transgresion contra Dios y no kier comete un violacion. A duna un ehempel cu si bo parkeer bo auto na unda cu no mag, esey ta un infraccion.
Pa e parti religioso, tradicion islamico no lo acepta matrimonio di mesun sexo, pa e parti civil ta un proceso apart y di parti e sociedad islamico lo respeta e afiliacion.
Ta prome biaha cu e comunidad musulman, un comunidad religioso relativamente nobo na Aruba ta haya invitacion pa atende un reunion hunto cu e misanan catolico, protestant y hudiu. Christiaans a bisa di ta satisfecho cu a honra y reconoce e musulmannan cu tambe ta forma parti di comunidad di Aruba.
Na final Cristiaans a extende un invitacion cordial na momento cu a haci e apertura di e moskee cu comunidad ta bon bini pa bishita e localidad.
