Comunidad Hindu a pasa na Centro Kibrahacha unda cu Fundacion Pa Nos Comunidad (FPNC) ta pa asina haci un donacion. E comision a acerca FPNC treciendo cargamento di comestibel cu e fundacion por pone acerca na nan pakete di cuminda cu ta entrega na famianan cu mas mester di dje.
E donacion aki lo rindi e pakete y tin un espacio cu ta duna nan 1 luna, segun Gianaika van der Biezen, Director di FPNC. Esaki ta amplia pa tur famia y tin un duracion mas largo. E comunidad Hindu a acerca FPNC pidiendo un lista y a base di esaki nan a haci un compras, treciendo e productonan. E fundacion ta conta cu sosten di comunidad y di companianan, contribuyendo y yudando famianan cu ta pidi ayudo.
Ta expande e pakete y e fundacion por brinda ayudo general na e famianan. E dia tabata nifica hopi p’e fundacion lansando nan website, dunando mas informacion, duna e cifranan di cuanto famia tin den necesidad. Segun van der Biezen, nan ta premira cu ta bay bin mas famia mirando cu e situacion ta dificil. Tambe nan ta mira cu pronto no lo tin un solucion pa e ayudo na e famianan aki. Tin biaha ta pensa riba constelacion, pero e cantidad di famia y segun e base cu por conta, e donacion ta pa mas o menos 500 famia.
E yudanda aki p’e comunidad Hindu ta hopi importante door cu nan ta biba akinan. Segun Bharti Daryanani representante di e comunidad Hindu, tur tin nan tienda na Aruba y esnan cu ta sostene nan ta e localnan. Turistanan tambe ta duna sosten, pero ta haya hopi di Aruba. P’esey pa nan ta hopi importante pa duna bek na Aruba y haci esaki cu hopi gusto.
Comunidad Hindu a haya un lista pa scoge, cual nan a haci. Den e custumber di Hindu, nan no ta duna carni. P’esey nan a kita tur carni for di lista y duna cosnan manera, azeta, sucu, etc.. P’e comunidad Hindu e ta un tiki duro, pero toch por duna kico cu ta. “Giving is living, not giving is dying” segun Daryanani.
