Compra N.V. su representante Ana Maria Ramirez (Brand Manager) tabata presente na hospital riba e prome dia di aña pa felicita e mayornan di e prome baby di aña: Khi-Zion Capellan Bolivar.
“Nos di Pampers sa e alegria cu un baby ta trece no solamente den bida di su mayornan pero di henter e famia rond di dje. Masha pabien.”
Ramirez tabatin palabra di elogio pa e team cu a percura cu e prome baby di aña a dal su prome grito na mundo sin problema. “Danki cu boso a sigura cu mama y baby a pasa den un bon parto. Pabien na boso tambe.”
El a anuncia na e mayornan, mami Kinberly y tata Argenis, cu nan baby Khi-Zion ta haya un aña largo e bruki marca Pampers, e marca premium, “pa e tin solamente lo miho,” Ana Maria Ramirez a bisa.
Baby Khi-Zion a nace cu asistencia di ginecologo dr. de Wit cu un parto natural. Siguientemente pediatra dr. Korver a haci su chekeo. Baby Khi-Zion ta pisa 3100 gram y tin un largura di 50 centimeter.
Baby Khi-Zion tin 2 ruman caba. Su ruman muhe Rizairah tin 4 aña y su ruman homber Aron tin 1 aña.
