Durante e temporada aki, Compra no kier a keda sin bin cu su grandioso campaña di
Carnaval. Un biaha mas nan lo ta regalando otro 1000 florin cash, segun Ana Maria
Ramirez.
Tambe nan lo tin un Shopping Spree, caminda cu bo ta haya oportunidad pa bay bo
supermercado preferi y 500 florin pa cumpra loke bo kier. Pa participa ta masha facil. Proctor & Gamble P&G, ta fabricante di marcanan mundialmente conoci manera Gain, Gilette, Pantene, Head & Shoulders, Mister Clean, Old Spice, Bounty, mas di 25 marca participante cu tambe ta forma parti di e campaña aki.
Unda cu bo cumpra dos di bo productonan preferi di Proctor & Gamble, bo ta participa pa gana e premio aki. Hunto cun’e ta lansando e tour di carnaval, unda cu lo bay e supermercadonan mas grandi di nos isla. Ta bishitando sigur tur districto, for di San Nicolas, Noord, Santa Cruz, cu e alegria di Carnaval y cu e Fabulous Carnival Promotion di Proctor & Gamble. E campaña aki ta te cu dia 3 di Maart, esta te fin di Carnaval. Ta importante pa menciona cu ora cu bo join cada fin di siman na un di e puntonan di benta participante, bo ta haya e oportunidad pa bo spin e roulette digital cu nan tin, unda cu bo por haya premionan instantaneo.
Bo no ta bay cas man bashi. Bo por wak e schedule completo riba e pagina di Facebook di Compra unda cu lo cuminsa e fin di siman aki mes. Diasabra, dia 2 di Maart nan lo ta na Ling and Sons IGA Super Center 10am pa 2pm. Diasabra, dia 2 di Maart nan lo ta na Super Food Plaza Aruba 10am pa 2pm Diadumingo, dia 3 di Maart nan lo ta na Cheng’s Supermarket 10am pa 2pm Asina ta pasa na un di e supermercadonan aki caminda cu abo tin e oportunidad pa gana premionan di Proctor & Gamble. Compra NV kier a probecha e oportunidad di felicita Maureen Connor, kende ta e ganado di e 1000 florin di e campaña di Proctor & Gamble, cual tabata parti di e ultimo promocion “Holiday Spectacular”, na unda a bishita tur punto di benta. Danki na tur hende cu a participa y a drenta e Money Blowing Machine.
