Diahuebs ultimo a tuma luga un encuentro publico den parlamento. Riba peticion di fraccion Accion 21 y MAS, a solicita pa gremio comercial bin den parlamento p’asina scucha kico ta nan preocupacion riba e ley di BBO na frontera. A mira presencia di Camara di Comercio, AHATA, AFBA, SNBA, CUA y ATIA.
E gremionan a cuminsa na vocifera nan preocupacion pa djey e parlamentarionan haci pregunta. Locual a resalta durante e reunion ta e falta di cooperacion entre DIMP y comercio. E gremio ta sinti cu nan no a forma parti den e proceso di arma e ley aki. Por a scucha diferente punto skerpi durante e reunion. Un di e gremio cu mas a resalta durante e reunion tabata AHATA, kende tin como presidente; Tisa Lasorte. E menciona cu por bir’e con cu kier pero e echo ta cu prijs lo subi.
For di CUA por a scucha cu; tin miedo cu ora e placa cuminsa drenta cerca gobierno, cu esaki lo keda pa algo permanente en bes di temporalmente. KVK ta sinti cu tin cu introduci algo mucho mas miho compara cu locual kier haci awo. For di AFBA, ta sinti cu ta keda chica for di e mesun pot pa paga debe y esaki no por. No tin insentiva di inversion na Aruba. Ta spera cu gobierno tuma bon nota di e preocupacionnan di e gremionan y duna atencion di berdad na nan preocupacion.
