Despues di dos aña e scolnan a subi caya pa asina disfruta di parada di scol. Manera e scolnan grandi, e scolnan di Paradera y bisindario a tene nan Parada Escolar. E biaha aki solamente Colegio Pastoor Kranwinkel y Scol Soeur Juliette a bini hunto pa asina pasa un momento carnavalesco agradabel.
Colegio Pastoor Kranwinkel a cuminsa organisa e parada mas di binti aña pasa. durante e añanan prome cu pandemia di Covid-19, Maria Goretti College y Nos Paraiso tambe a forma parti di e parada aki.
Entre Scol Soeur Juliette y Colegio Pastoor Kranwinkel a conta c’un participacion di casi 300 mucha, desde eerste klas te cu zesde klas. Tema di Colegio Pastoor Kranwinkel tabata di Super Heroe. Youth X-treme tabata e banda musical cu a compaña nan. Un Dj a compaña e muchanan di Scol Soeur Juliette.
Juffrouw Simmons a expresa normalmente tur aña nan ta organis’e. Pero despues di dos aña esaki ta un jump start y p’esey e ta chikito. Segun Simmons, otro aña nan ta bin bek completo.
