Dinner With The Kids ta un evento cu Circle K di Universidad di Aruba ta organisa cada aña. E evento aki tin como meta pa laga e mucha nan pasa un rato agradabel y pa asina nan por gosa di tur actividad plania especialmente pa nan.
Cu e apoyo di e comunidad di Aruba e evento aki ta bira cada aña uno mas grandi. E aña aki 80 mucha a wordo invita pa join e miembro nan di CKI na Teresita Center pa asina celebra e temporada di pasco. Durante e evento tabata tin varios entretenimiento cu e mucha nan por a disfruta di dje. Tambe no por a keda sin falta e plato cu e mucha nan a ricibi cu cuminda di pasco. E mucha nan y e miembro nan a disfruta di un evento exitoso yena cu alegria y alabes celebrando e temporada di pasco.
CKI di universidad di Aruba kier a yama danki na tur esnan cu a haci e proyecto aki posible. Ademas, CKI kier a gradici: Top 1 Toys, Home Fun Super, University of Aruba, Hilton, Hector Espinoza, Famia Herdè, Martijn Trading, AHATA, Tatichi Snack, Richard Damian, Jasmin Maduro, Janine Rodriquez y Etienne Yarzagaray pa nan aporte na e Dinner With The Kids y pa yuda nos haci’e inolvidable pa e mucha nan. CKI di Universidad di Aruba kier a desea henter e pueblo di Aruba un bon Pasco y un Feliz aña nobo.
