Algun siman pasa, polis a kita un vehiculo for di un ciudadano, Checo Wernet, traha specialmente pa core cu e turistanan rond di nos isla, pa trece pan riba mesa, di un manera honra.
E auto aki tabata para na warda di polis na Santa Cruz. Diahuebs fiscal a mand’e un email, bisand’e cu e ciudadano Wernet lo por busca su auto na warda di polis. Pero grandi tabata su sorpresa, cu ora el a bay pa busca su auto, nan a inform’e cu su auto a bay Daltra pa nan plach’e.
Al parecer, Minister Rocco Tjon, encarga cu husticia lo a instala un comision unda pa haci un limpiesa general den e garashinan di tur e wardanan di polis.
No a keda e ciudadano nada otro cu bay Daltra, unda cu el a yega net na tempo pa para e plachamento di su vehiculo, cu ya caba nan a cuminsa torno e for di otro. A corta waya, a bay cu e speakernan cu e tabata tin den e vehiculo, como tambe e motor.
Pregunta ta keda awo, ken ta bay paga tur e gastonan cu e ciudadanonan a hay’e cu ne.
Interesante pa sa, ta ken a duna ordo pa bay cu e vehiculo aki, siendo cu e tin aprobacion di Fiscal Patrick v/der Biezen, cu ta bis’e cu door cu el a cumpli cu tur e rekisitonan estableci, e por haya su vehiculo bek.
Grandi tabata su sorpresa ora cu el a bay pa busca su auto, cu su satisfaccion a comberti den decepcion.
