Diaranson tabatin final di su cuater lunanan di proyecto number 7 di Fundacion ADRA Aruba. Na momento cu a termina, a bin cu un graduacion. Segun director di ADRA Aruba, Mirugia Leocadia-Zink, den un principio tabatin 11 participante, di cual 5 so por a gradua, ya cu dos di nan a bay den exterior, e otronan no a logra.
E proyecto di ADRA Aruba, ta duna e mamanan hoben cu a sali na estado, cu no ta bay scol un otro oportunidad den bida.
Ta duna nan les di administracion, cosemento, obra di man, les di cushinamento, protocol, etica y tambe ta duna nan les riba salud mental. Fuera di esey duna nan curso di cuido di mucha, den e periodo di cuater luna.
E proyecto aki ta den cooperacion cu diferente instancia como tambe persona individual, entre otro Willem Seferina, cu ta duna les di cushinamento. Fuera tambe tin boluntarionan cu ta yuda wak p’e muchanan. Fuera di esey tin instancia di gobierno manera Fundacion pa nos muchanan, Tienda di Educacion, Centro pa Hoben y Famia, cu ta duna un luga pa por presenta y yuda e hobennan cu nan les, como tambe demas instancia cu ta yuda.
Pa mas detaye lesa TREMPAN.
