Pueblo a keda sorprendi pa e informacion den conferencia di gobierno cu tin personanan a haya COVID-19 dos biaha. Esaki ta algo cu mayoria di hende consulta no ta corda cu a trece dilanti den pasado.
E ta un topico cu a bini brevemente dilanti durante un conferencia di prensa di gobierno diabierna mainta, unda a anuncia adaptacion di medidanan.
Sharlin Koolman, di Departamento di Malesanan Contagioso, a splica cu for di aña pasa caba tabatin persona cu a haya COVID-19 dos biaha, pues prome cu e variantenan nobo a yega. Ta parce cu esaki a sosode na inicio di e pandemia y despues den luna di december.
E funcionario ta calcula cu ta papia di no mucho caso, e no ta kere ta mas cu 5, di personanan cu sea a haya e COVID-19 den forma leve y despues a hay’e mas pisa y vice vesa.
E hecho aki ta algo cu casi niun hende ta corda cu a informa pueblo di dje aña pasa.
