Impact Taekwondo Aruba a organisa examen pa cinco atleta. Tur cinco, cualnan ta Ingomar Jacobs, Anabella Fernandez y Deevah Loefstop a slaag pa faha preto y Isabella Bogevad y Kianna Krosendijk a slaag pa faha cora.
Grand Master Marilu de Veer a entrega tur cinco atleta nan diploma y nan faha. Ingomar Jacobs a haña poom door cu e no a yega e edad ainda pa bisti faha preto. Tur mucha cu no ta junior ainda ta bisti poom.
Impact Taekwondo Aruba a tuma un pauze pa asina cuminsa bek cu les dia 2 di Augustus na Washington Basis School. Monica Pimentel Aruba su prome atleta Olimpico den Taekwondo Sparring ta hopi contento cu Impact Taekwondo Aruba tin mas faha preto cu a forma parti di e grupo.
Tur esunnan cu ta interesa pa train Taekwondo cerca Impact Taekwondo Aruba tin e oportunidad di haci esaki dia 2 di Augustus. Les ta cuminsa for di 5:30 – 6:30 di atardi pa tur mucha di 4 pa 8 aña ariba Dialuna, Diamars, Diahuebs y Diabierna. Muchanan di 9 aña bay ariba ta train Diamars y Diahuebs for di 6:30 te cu 8’or di anochi.
Pa mas informacion por whatsapp Monica Pimentel na 5679341, Facebook: Impact Taekwondo Aruba of Instagram: impacttaekwondoaruba.
Master Monica Pimentel a gradici Grand Master Marilu de Veer pa examina su atletanan unda cu tres a slaag pa faha preto y dos pa faha cora.
