Oranjestad, 26 November- Aruba, Riba diamars 19 di November CIBC First Caribbean a celebra Dia International di Hende Homber no solamente na Aruba pero internationalmente. Invitando dos studiante di accounting di Universidad di Aruba pa asina pasa mitar dia na oficina y sera conoci cu e actividad nan di un banco.
Sr. Giovanni Atencio, (Country Head), Corporate Manager Sr. Carlos Lopez hunto cu
Sr. Christopher Habibe (Credit Officer) tabata e host nan di e dia aki y a duna e studiante nan un bon bista di tur e diferente rol nan y responsabilidad nan den banco.
E Country Head a treat e studiante nan un lunch na Muligan’s restaurant, na unda e studiante nan a haya oportunidad di hasi diferente pregunta tocante e oportunidad nan como tambe obstaculo nan di negoshi nan na Aruba, esta e situacion actual.
Tambe a surgi e oportunidad pa intercambia storia nan di “bida despues di Universidad di Aruba” mirando cu Sr. Lopez & Sr. Hahibe ta ex alumno y pa esey a comparti nan experiencia nan den nan carera.
E dos studiante nan cu por cierto ta den nan ultimo aña di Accounting a haya e testimonio nan aki super interesante y ta gradici CIBC FirstCaribbean pa e oportunidad di network y tambe invitation pa celebra International Men’s day.
