Chris Dammers, ex vice presidente di Parlamento, a reacciona despues cu a tuma nota cu finalmente ministerio publico a atende e caso di supuestamente agresion entre ex presidente di Parlamento, drs. Marisol Lopez-Tromp y ex vice presidente di parlamento, Chris Dammers.
El a splica cu pa loke ta investigacion riba su persona cu Lopez-Tromp a entama, ta wordo declara nulo y pa locual ta e di dos parti cu ta e caso cu Dammers a entama of e aanklacht cu el a haci contra di Lopez-Tromp y tambe su casa, esaki si hues a tuma na cuenta.
Testigo
Tabata tin varios testigo cu tabata eyden. Tabata tin declaracionnan duna sigur door di Jeffrey Kelly, kende tabata esun di mas cerca entre nan dos. E ta esun cu a wak tur cos manera cu el a pasa y el a trec’e dilanti tambe den prensa un siman despues. Tur ta conoci cu su version. Tabata tin Jennifer Arends-Reyes, kende tabata cerca, pero saliendo di e sala cu por a mira un ke otro, pero no bon cla kico a pasa.
Na e otro banda tabata tin awe Andin Bikker, kende tabata hopi vaag y no duidelijk den su declaracionnan, pasobra na un momento e ta bisa cu e no a mira nada y despues e ta mira cu si. A push’e. Den e ultimo parti di loke a pasa, e por a mira y den su oficina ta declara cu e por a wak algo cora na su cora na su cara y cu e cosnan ey no por mira bek riba bek. Tabata declaracionnan bruha di parti di Lopez-Tromp. Un biaha ta mustra cu el a wordo gedal links, e otro biaha rechts. Ta algo cu no ta duidelijk y cu testigonan por a declara bon cla cu ningun rato so Dammers a mishi cun’e. No a dal’e. E tabata simplemente manera cu officier mes ta conclui den su carta, e tabata un reaccion riba locual e tabata haciendo, kitando su persona for di riba Dammers, cual tabata bezig ta haci.
Dammers si a wordo agredi
Lopez-Tromp si a dal Dammers algun biaha. Esey testigonan a mira y e declaracion di Landsrecherche tambe ta trece esey dilanti y reaccion humano tabata na e momento ey, hal’e for di dje.
Resultado final
Chris Dammers a sigui splica cu ta sigur un alivio p’e, su famia completo cu a biba cun’e y tambe conocinan. Dammers tin aprecio pa tur esnan cu a kere den dje tur e tempo aki. Su conocinan ta menciona cu nan sa cu e no ta un persona asina y e ta satisfecho con leu e caso aki a yega awor aki. Pa Dammers, te cu aki e ta awo. Cos a caba. E ta duidelijk. E ta un investigacion cu ta sigui of cu a wordo finalisa te eynan di parti di ministerio publico. P’e, te aki ta hopi duidelijk y hopi bon.
