Den oranan di merdia e chauffeurnan di Arubus a dicidi di pone trabou abou pa motibo di ta sinti cu ta descrimina nan.
E chauffeurnan a tende cu personal administrativo di e compania di transporte a haya chens pa bay cas of traha orarionan adapta, den cuadro di e crisis di coronavirus. Sinembargo den e caso di chauffeurnan no a tuma ningun decision. Esaki nan ta haya descriminatorio. Nan ta atende henter dia cu pasahero, no solamente local pero turistanan. Pues tin mas chens di haya nan mes den contacto cu e virus.
Ademas ta baha orario di cierre di luganan, mientras cu nan mes ta traha te 11.30 di anochi y nan no sa pa kico motibo.
P’esey nan a dicidi di pone trabou abou y sperando riba reaccion di gerencia di ki decision ta bay tuma den nan situacion. Nan mes a sugeri como solucion, un orario adapta (manera diadomingo).
