Diasabra mainta pa mas of menos 11:00 a sosode un accidente. Segun por a compronde, un auto lo a bolter. Varios testigo cu tabata na sitio a bisa cu despues di e accidente, dos persona a bandona sitio. Na momento cu polis a yega nan no a topa cu ningun hende. Locual nan a topa ta un auto cu basta daño, pero riba cuater wiel.
Polis a tira un bista den e area pero no a topa cu e dos persona cu tabata den e auto. Mientras cu nan tabata na sitio, dos persona a yega cerca di cual un di nan a resulta di ta chauffeur di e auto. Polis a atende cu ne. Prome cu esey, a manda patruya pa Sabana Grandi mirando cu ta ey e auto ta registra.
Investigacion a conclui cu e chauffeur no tin rijbewijs, pues a detene y hib’e ward’i polis. Na warda di polis e lo mester sigui cu e proceso di interogacion.
