Rond di mey anochi a bin haya un chauffeur den un situacion un poco peligroso riba caminda y pa colmo na soño.
Tabata un ciudadano pasando riba e caretera di hotelnan chikito, banda di Costa Linda, a bin topa cu un situacion peligroso. Un Nissan March para parcialmente riba caminda. Ora cu el a baha bay wak si ta problema e persona tin, a constata cu e chauffeur tabata morto na soño.
E ciudadano a dicidi di paga auto y kita e yabi, pa evita cu e persona ta bay sigui core. Net na e momento ey un patruya a yega y a tuma e situacion over. Pa siguridad di trafico, a transporta e chauffeur pa warda di polis.
