Dialuna merdia pa mas o menos 12:39PM a sosode un accidente chikito riba e parkeerplaats di Super Do It Center. Na dado momento e chauffeur di e van Hyundai blanco a ocasiona un accidente chikito, unda cu el a dal su auto contra un Kia Rio berde.
Chauffeur di van no a para responsabel p’e accidente chikito cu el a ocasiona. Chauffeur di e Rio a yama tanto Forensys y polis, kendenan a yega na e sitio y a tuma tur dato di loke a pasa. Doño di e Kia Rio ta duna e chauffeur di van blanco e oportunidad pa meld su mes y para responsabel pa su actonan.
El a opta pa haci esey prome cu polis bay busc’e na su adres y ta spera cu cos no mester yega asina leu. E ta pidi p’e doño di e van blanco tuma contacto cu su persona na 6418812 y para responsabel p’e acto di hit and run.