Diaranson mainta polis a bay pura banda di MFA Noord. Prome informe tabata bisa cu un hende a cay for di un truck y e ta herida.
Na momento cu polis di Noord a yega a topa algun homber luchando pa pusha cabina di e truck bek na su luga. A resulta cu ora e chauffeur a brake prome cu rotonde, e cabina a los bin dilanti y hera sac’e di cabes. El a pasa den un susto grandi. E no tabata herida manera e prome informe.
Cu yudansa di polisnan y tambe otro hombernan cu a yuda, a logra pusha e cabina bek na su luga. Tur cos ta mustra cu algo a kibra of los cu e cabina a bay dilanti.
Despues di acomoda e cabina bek, e truck a bay para un banda pa trafico por a sigui core. Fila largo el a causa para memey di caminda ta stroba e momento di e incidente.
Di mes ora e cabina los, e motor ta paga. Ademas e parti dilanti tambe a sufri daño.
