Awe tardi pa pa mas o menos 2:45PM a sosode un accidente na altura di Ruiz Take Away na Tanki Leendert. Chauffeur di un auto marca Hyundai modelo Santa Fe no a paga tino cu e chauffeur di un auto marca Chevrolet modelo Spark a brake su dilanti, cu consecuencia cu el a dal su tras.
Polis di trafico a presenta na e sitio pa tuma declaracion di ambos partido riba locual a sosode. Tanto pasahero como chauffeur di e Chevrolet Spark tabata keha di dolornan di lomba, nek y pia door di e impacto. Pa e motibo aki a pidi asistencia di ambulance. Paramediconan a yega na e sitio y di biaha a brinda asistencia na ambos victima. Ambos auto a ricibi basta daño material.
