Un rato pasa alrededor di 10:00pm a sosode un accidente entre autobus cu brommer riba Green Corridor. Esaki a pasa net otro band’i Wayaca Falls. Ambos vehiculo tabata bayendo direccion San Nicolas. Ta trata un van marca Toyota modelo Hiace color blanco numera B-7 y un brommer color cora cu preto.
Segun e motociclista, e bus tabata coriendo su tras y pa un motibo of otro a alcans’e.
Mientras cu e chauffeur di e autobus a conta polis cu, net el a bay cobra un pasahero, e no a paga tino cu e brommer tabata su dilanti. E pasahero di brommer MFA -1519 a resulta levemente herida. Ambulance a presenta na sitio y a brinda e victima atencion medico.
