Algo prome cu 4 or di atardi a sosode un accidente net poco panort di e rotonde di Watty Vos Bulevard na Tanki Leendert. Aki a sosode un accidente den cadena, chauffeur di Kia Rio a dal tras di un pickup blanco y djey push’e dal den e auto mas dilanti, un BMW.
E chauffeur di e Rio tabata papia masha bruha. Na momento di e accidente. e chauffeur kier a huy bay. E otro automobilistanan envolvi a kita e yabi di auto for di dje. Un rato despues Polis a presenta na sitio, a pone e chauffeur di e Rio supla.
Durante e test el a surpasa e limite legal pa ley di alcohol pa cual Polis a detene bou sospecho di stuur vehiculo di motor bou influencia.
