Diasabra algo pasa di 3 or di marduga na altura di e compleho di e hotelnan Marriott a sosode un accidente cu a caba den detencion.
Aki Polis a bin topa cu auto Kia color preto y un homber banda di caminda para. E persona a identifica su mes como e chauffeur cu lo a perde control di su vehiculo y drenta mondi cu ne.
Polis a sospecha cu e homber lo por ta bou influencia, a pone supla varios biaha den alcohol sensor pero no a logra haya un lectura corecto. No a keda nada otro pa polis detene e homber pa sospecho di stuur un vehiculo di motor bou influencia.
Transporte di polis a bay cu e homber pa warda di Shaba. E sedan a keda atras cu basta sla parti dilanti, pendiente takelwagen bay cu ne.
