Ta parce cu tin hendenan cu no ta sigui noticianan pasobra despues cu Gobierno a anuncia diaranson cu tin Toque De Queda bek entrante diabierna marduga, toch tabatin detencion.
Awe rond di 2’or di madruga patruya tabata pasando den cayanan di San Nicolas ora cu a topa cu un auto circulando manera cu no tin Toque De Queda. A para e auto pa controla e chauffeur pa mira si ta un hende cu ta bay traha, pero esaki no tabata e caso. A pidi transportwagen den Caya Captain Rodgers pa busca e persona aki y a hibe Warda di San Nicolas.
Durante tratamento di e caso di e prome boetnan den Toque De Queda di maart a bisa cu e informacion pa comunidad na inicio no tabata mucho cla. E biaha aki a haci e anuncio apenas un dia prome cu el a bay na vigor.
