Odontologo Seif a skirbi un buki nobo: Poder di sonrisa ta habri porta

Tomás Seif, odontologo di Venezuela, a skirbi un buki El poder de tu Sonrisa. El a skirbi esaki pasobra un sonrisa ta hunga un rol fundamental riba e autoestima. Un sonrisa ta e prome impresion cu esnan rond ta genera. Pa biba un bida pleno, exitoso, yen di bon relacion unda cu por atrae hende cu bo ta desea di tin cerca, ta importante pa sinti bon cu bo mes y tin aceptacion propio.

Un sonrisa semper ta algo cu ta bin di alma, esey ta mustra otro con bo ta sinti, asina el a bisa. Tin cu corda cu un sonrisa sano y agradabel, ta habri porta, ta destrui barera y ta genera oportunidadnan cu por engrandece y enrikece bida. Un sonrisa bon uza, ta conkista curason y boluntad.

Odontologo Seif a skirbi un buki nobo: Poder di sonrisa ta habri porta

Odontologo Seif a skirbi un buki nobo: Poder di sonrisa ta habri porta. Click link pa mas https://24ora.news/2YI4lNk

Posted by 24ora on Friday, August 28, 2020

E buki aki no ta uno dental, pero ta di desaroyo personal. Den Amazon e buki aki tabata na prome luga den su categoria. Pa Seif e buki aki ta uno motivacional. E kier pa hende compronde cu sonrisa ta hunga un papel importante. Ta hopi mas miho si e sonrisa ta sano, bunita y estetico. Desde cu el a saca e buki, hende a bis’e cosnan bon y cada ken a informa riba cierto capitulo specifico. E ta di pensamento cu den e buki tin hopi mensahe cu lo yega hende y ta cosnan cu lo ta util den nan bida.

E texto motivacional y di superacion personal di Tomás Seif, no ta un obra tecnica ni odontologico, pero amicabel y facil pa lesa. Den dje hende por descubri pakico sonrisa ta e arma mas poderoso y ta completamente perfecto pa bo imagen. Cu e buki aki lo bo por triunfa y yega fronteranan nobo. Seif ta recorda tur hende pa nunca subestima e poder di bo sonrisa.