Diaberna mainta mas of menos 5:50 un Toyota Yaris A-28916 cu tabata core riba e caminda di Piedra Plat direccion Paradera. Esaki tabata net na e rotonde di Piedra Plat. E chauffeur mester a lora links pa bai direccion di Pavia. Un truk di sushi DT-6 cu cu tabata riba e caminda di Piedra Plat direccion Santa Cruz no a duna preferencia na e auto cu tabata riba e rotonde y a dal den dje. E auto na su turno a bay dal den un palo di luz dilanti Bright Bakery. E truck a lastra un brake basta largo. Esey ta indica cu e tabata bin basta duro. Un dama chauffeur cu ta den e Toyota Yaris a keda herida y cu ambulance a wordo trasporta pa hospital. E auto Toyota Yaris a keda cu hopi daño material.
