Dialuna merdia alrededor di 2:30 pm a sososde un accidente dilanti di Elmar den Wilhelminastraat. E accidente ta entre tres auto. Un Ford Broncco color preto, nun Toyota Yaris color blauw y un Hyundai Accent color blanco.
Tur cos a cuminsa ora cu chauffeur di e Yaris no a paga tino y a dal tras di e Broncco, cu consecuencia chauffeur di e Accent a dal tras di e Yaris.
Mirando e comportacion straño di e chauffeur di e Yaris, polis a bay over na haci un test di alcohol cu e chauffeur. E resultado no a sali na su fabor. E maximo cu por supla ta 220 ug/l pero a supla casi 300 ug/l. Ta suficiente motibo pa polis deten’e y bay cu ne direccion ward’i polis caminda lo present’e dilanti un subfiscal.
