Diabierna atardi a sosode un accidente na Piedra Plat. Un homber bebi na stuur di un auto tabata biniendo for di Sero Pita y yega na e T-Weg pariba di Bright Bakery.
For di su man robes bahando for di Santa Cruz tabata bin un señora ta stuur un auto. E homber bebi a sali cu su auto sin duna preferencia.
E señora a dal den e auto di e homber. E homber na lugar di para kier a sigui core. El a hasta rabia y kier a falta respet pa e señora. Su punto tabata cu e tin pura pasobra mester a bay cumpra dos cerbes. Polis a yega na e sitio y bay over na detencion. A hiba e homber warda pendiente interogacion. A resulta cu e seguro di auto a caduca tambe. Ta bon mes e daño no tabata hopi grandi.
