Diabierna atardi, despues di 4:30 pm, polis a presenta den e parkeerplaats di e banco CMB Noord p’un situacion un poco inusual. Chauffeur di un Toyota Yaris blanco a reconoce e Hyundai Verna color blanco cu a dal su auto e dia prome y bandona sitio.
Na yegada di polis, a topa e dos partidonan tabata discuti. E doño di e Hyundai Verna a indica cu su persona no tabata cu e auto y a fia su yiu muhe esaki. El a indica na e agentenan cu e dia prome, e yiu a stuur e auto y lo a accidenta, y no a inform’e.
Polis di trafico tambe a presenta unda cu a tuma tur dato di ambos partido debi cu e Yaris a keda basta kibra n’e parti patras.
