Mañan diadomingo pueblo lo disfruta di un concierto completamente gratis. Tres compania a cera cabes y hacie posibel pa pueblo disfruta di e banda ERA for di Corsou. Brouwerij Nacional Balashi, Stellaris Casino y High Performance a cera cabes y organisa e concierto den curason di San Nicolas.
E evento lo tuma luga na Neighba, riba Bernhardstraat, net pariba di ex-Hong Kong Supermarket. Tur cos lo cuminsa pa 6:00 pm. Durante e evento por disfruta di e platonan sabroso di Neighba y e cerbesnan bon friu di Balashi.
Diabierna tabatin un fiesta priva pa casino y awe diasabra e fiesta ta ful bendi pero mucho hende a pidi pa drenta toch y pa ripiticion. Ta den cuadro tambe cu e 40 aña di existencia di ERA.
