Cu e acuerdo cera entre WEB N.V. y Acceleron, unda awo e trahadonan di e compania estatal por drecha e piesanan aki na Aruba tin su beneficio. E trahadonan por sigui desaroya nan conocemento, pero tambe mas lihe por atende c’un problema.
Eric Henriquez, presidente di sindicato SIWA, a expresa e parti mas importante no ta solamente p’e trahadonan si no pa Aruba den su totalidad. Nan ta traha pa haya un garantia unda por duna servicio n’e motornan cu tin. Semper nan tin cu manda piesa afo pa mantencion, pero awo tin e den cas unda nan mes por haci e servicionan.
E sindicalista a sigui indica cu awo nan por responde hopi mas lihe riba e fayonan. Esaki ta duna nan e stapnan pa ta mas sigur duna coriente y awa n’e pueblo di Aruba.
Sindicato SIWA ta contento cu e movecion aki di WEB. Ta bay tin trahado di WEB mes, kende antes tabata bay afo, awo lo siña parti di esaki. E trahadonan mes por duna e servicio. Tur esaki ta hisa nan conocemento, ta haci e parti hopi mas accesibel p’e trahadonan mes. Tambe pa nan sigui desaroya nan mes den futuro den e empresa di Aruba.
