E situacion di cacho riba nos isla ta uno hopi alarmante. Tamara Boekhoudt ta un activista na defensa di nos bestianan, como tambe di e proceduranan cu ta tuma luga na Centro di Control di Cacho, unda cu el a bin cu diferente pregunta.
Boekhoudt a comenta cu e tin desde februari 2021, e tin un pagina riba Facebook yama Streetdogs of Aruba, cu a haya hopi siguido fo’i Merca. Aki ta caminda e amantenan di e cacho crioyo di Aruba y kier salba nan.
E personanan aki tin hopi pregunta tocante kico precies e Centro di Control di Cacho ta y kico t’e diferente di loke e tabata antes y di e killcage.
Boekhoudt tabata kier a sa di nan di e ley nobo y awo cu ta haciendo cambio interno na CCC, con e maneho ta di control di cacho.
Boekhoudt a menciona cu el a papia cu dos funcionario, Sandy y Natie, kendenan a duna un splicacion cu awo nan tin e porta cera y cu mester drenta. Nan ta haya chens e ora pa papia cu cada persona cu ta bin entrega nan cacho n’e centro. Ochenta porciento di e cachonan cu ta drenta na CCC ta di hende cu tin cacho cu nan no kier mas. Hasta tin ora cu hende ta bay bek cu nan cacho cas of ta laga pone nan drumi (eutanasia) na un veterinario.
Si nan no por paga un veterinario, cu ta costa entre 130 y 200 florin, por haci esaki via Veterinaire Dienst y por pone e cacho drumi pa 25 florin.
Tambe a splica Boekhoudt cu ta purba di salba mas tanto cacho posibel. CCC no ta un luga grandi y por tene 8 cacho adulto y 3 haula special pa cacho cu ta mama y su puppies. Tin bon comunicacion cu e shelternan pa mira si nan por yuda tuma over e cachonan, si e doño mes no ta bin busca nan cacho ora di piki nan riba caya. Nan a bisa honestamente cu ora un cacho ta agresivo, sea cu e ta di caya of e tin chip of un tag, si e ta canando los, ta pone drumi pasobra e ta un peliger pa comunidad.
Ta bon pa hende sa cu e ta un serv
icio cu nan ta purba pa mehora, cu no tin peliger pa hende cu tin cacho riba caya y cu hende mester ta consciente cu si nan no kier pa algo pasa cu nan cacho, nan mester tene nan cacho den nan cura y no por scapa. Tambe pa sterilisa nan cacho,” Tamara Boekhoudt a comenta.
Pa un cobertura mas amplio lesa e TREMPAN.
