Den cuadro cu Dia Internacional di Hende Muhe, directiva di Centro di Bario Playa Pabao, ta organisa un celebracion informativo cu ta trata e tema “Bo ta yama pa cana den victoria”.
Orador invita pa e anochi aki ta sra. Sharline Tromp. Na final di e charla lo tin oportunidad pa lansa pregunta. E anochi aki ta termina cu un ora social, na unda tin presentacion di Quincy Hasham, Ruthy Vrieswijk, Omaira Britten, Derwin Kemp y Ron Martis.
Durante e ora social lo tin snacks vegetariano. Un invitacion ta bay na tur hende muhe, cu kier sa mas di e tema, pa tey presente. E actividad aki lo tuma luga diabierna, dia 8 di Maart. E ta cuminsa pa 7’or y termina pa 9’or di anochi. Lo tin un recuerdo di e dia aki na e prome 40 damanan cu ta asisti na e actividad aki cu lo tuma luga den Centro di Bario Playa Pabao. Entrada ta gratis. Dennis Burke, presidente di e centro di bario, a splica cu lo bay tin diferente actividad den luna di Maart. Tambe lo tin un curso yama “Para keto na mi mes”. E curso aki ta wordo dirigi pa Tracy Werleman.
E topiconan lo ta: “Ken mi ta”, “Autoestima parti I”, “Autoestima parti II”, y “Imagen nobo di mi mes.” E fechanan ta dia 13, 20 y 27 di Maart y e ultimo lo ta dia 3 di April. Orario lo ta 7’or pa 9’or di anochi y lo tuma luga na Centro di Bario Playa Pabao mes. Participacion na e cuater cursonan aki lo ta completamente gratis tambe, danki na cooperacion di Samenwerkende Fondsen. Participantenan lo ricibi un certificado. Inscripcion ta di dialuna pa diabierna, di 8’or di mainta pa 12’or di merdia y di 2’or pa 6’or di atardi. Tambe Burke a anuncia cu na e Centro di Bario tambe lo bay participa hunto cu Aruba Doet y dia 18 di Maart tambe lo tin un actividad na e centro.
