Por lo menos desde aña 2013 caba Cuerpo Especial Arubano (CEA) ta encarga oficialmente cu transporte di detenidonan durante eventonan di carnaval, pues dies aña caba. E aña aki atrobe nan a brinda un aporte substancial na Cuerpo Policial Arubano, pa kita un tarea escencial for di man di polis. Den nan man detenidonan ta yega di un luga pa otro.
Awe a uza no menos di cinco bus di transporte y tabatin no menos di dies funcionario riba pia. Tur ta polis extraordinario y como tal ta carga arma y por traha un proces-verbaal den cuadro di ehecucion di nan funcion.
CEA cu tempo a bira un sosten grandi pa Cuerpo Policial Aruba, pa KIA, pa Corte di Prome Instancia y sin lubida Gabinete di Gobernador di Aruba.
